Gwobrau dyddiol i ysgolion

WJ yw busnes Marciau Diogelwch ar Ffyrdd blaenaf y DU, a’u gweledigaeth yw ‘Siwrneiau Diogel a Chynaliadwy i Bawb’.

Dyma maen nhw am ei roi i un ysgol gynradd:

• Marciau buarth ysgol pwrpasol, fydd yn cael eu dewis gan y plant i gael marciau sy’n cynrychioli eu hysgol orau. Bydd y marciau creadigol yma yn creu cyfleoedd dysgu egnïol fydd yn bywiogi amgylchedd yr ysgol.

Mae WJ yn arbenigwyr gosod marciau ffyrdd parhaol a dros dro, stydiau ffyrdd ac arwynebeddau ffrithiant uchel wedi’u lliwio, yn ailwynebu arwynebeddau a gosod camerâu cyflymder cyfartalog. Mae dull cydweithredol y cwmni hwn yn canolbwyntio ar greu gwerth i’w cymunedau o randdeiliaid eu hunain, yn lleol ac yn genedlaethol, a thrwy eu menter Thinking Community, maen nhw wedi ysbrydoli mwy na 42,000 o fywydau yn y 4 blynedd ddiwethaf.

Dilynwch WJ Markings: Facebook / X / Instagram / LinkedIn / Gwefan

Mae Broxap Ltd yn un o ddylunwyr, gweithgynhyrchwyr a gosodwyr cyfleusterau parcio beiciau mwyaf blaenllaw’r DU, ac maen nhw’n cynnig cyfleusterau parcio beiciau i ddwy ysgol lwcus eu hennill, wedi’u teilwra â sblash o liw!

Bydd yr ysgolion buddugol yn gallu dewis y lliw ar gyfer eu raciau i ddarparu lle parcio hwyliog a thrawiadol ar gyfer sgwteri a beiciau eu disgyblion.

Mae’r gwobrau’n cynnwys:

Un rac beiciau mewn lliw o ddewis yr ysgol.

Un rac sgwteri mewn lliw o ddewis yr ysgol.

Gyda'r lle parcio beiciau iawn yn ei le, gallwch chi drawsnewid y daith i’r ysgol i’w gwneud yn rhan esmwythach, iachach a mwy pleserus o'r diwrnod.

Gan weithio gydag ysgolion, cynghorau, awdurdodau lleol, penseiri, a chontractwyr ymhlith eraill, mae gan Broxap ddegawdau o brofiad yn datblygu cysgodfeydd stondinau a raciau parcio beiciau ac mae wedi bod yn trawsnewid strydoedd a seilwaith teithio llesol ledled y wlad ers 1946.

• Dilynwch Broxap: / www.broxap.com / Instagram/ Facebook/ LinkedIn

Micro Scooters yw’r brand arobryn sydd wedi gweddnewid y daith i’r ysgol i’r daith sgwtera wych rydyn ni’n gyfarwydd â hi erbyn hyn! Mae Micro’n gweithio’n ddiflino i hyrwyddo sgwtera ar y daith i’r ysgol fel dull teithio sy’n gyflymach, yn iachach, yn wyrddach, yn fwy diogel, ac, yn bwysicaf oll, yn fwy o hwyl.

Micro Scooters, yn cynnig gwobrau ardderchog i ysgolion buddugol a’u cefnogwyr yn ystod her y Stroliwch a Roliwch Sustrans.

Mae’r gwobrau yn cynnwys:

• Dau Micro Scooters ar gyfer ysgolion cynradd
• Dau Micro Scooters ar gyfer ysgolion uwchradd
• Hamperau o ategolion Micro ar gyfer pedair ysgol

Mae sgwteri Micro Scooters yn adnabyddus am ddiogelwch a chryfder eu cynnyrch. Yn wydn, yn syml ac yn llawn hwyl, mae Micro Scooters yn trawsnewid y ffordd mae plant ac oedolion yn darganfod, mwynhau ac archwilio’r byd.

Dilynwch Micro Scooters: Facebook / X / Instagram / Gwefan /

Mae Cyclehoop yn creu, yn darparu ac yn rheoli parcio beiciau a seilwaith beiciau arloesol. Mae tîm Cyclehoop yn ymroddedig i wneud lleoedd yn fwy cyfeillgar i feiciau.

Gan fod anghenion pob ysgol yn wahanol, mae Cyclehoop yn cynnig dewis un o blith y gwobrau isod i’r enillydd.

• 1 x rac beiciau Toast Rack ar gyfer 10 beic, gyda phaent côt powdr yn eich dewis o liw

• Gwerth £600 o feiciau i greu llyfrgell beiciau i ddisgyblion eu defnyddio

• Pecyn bws beiciau cychwynnol (dillad llachar gyda brandio’r ysgol, clychau beiciau, helmedi, goleuadau, pecyn tŵls)

Mae Cyclehoop yn creu nwyddau arobryn, wedi’u dylunio gan feicwyr, i annog pobl i wneud y newid a phrofi buddion reidio beic.

Mae’r tîm yn credu y bydd creu mannau sy’n hwyliog ac yn gyfeillgar i feiciau yn creu dyfodol iach a chynaliadwy.

Mae Cyclehoop yn gweithio gydag ysgolion i roi cyngor ar, a darparu parcio, cysgodfeydd, ac ategolion beiciau, gan helpu pobl ifanc i gofleidio beicio.

Nodwch y cod ‘HoopBig’ wrth gyrraedd y dudalen talu i dderbyn disgownt o 10% ar archebion a wneir cyn 31 Mai 2025.

Dilynwch Cyclehoop: Facebook / Instagram / X / LinkedIn / neu gallwch gofrestru i dderbyn eu newyddlen /

Mae Frog Bikes, yr arbenigwyr ar feiciau plant, yn rhoi beic fel gwobr fel rhan o Stroliwch a Roliwch.

Bydd un ysgol gynradd lwcus yn ennill beic pedalau cyntaf Frog 47 coch, gwerth £400!

Mae'r beic plant Frog 47 18 modfedd yn ddelfrydol ar gyfer y newid o feic balans i feic pedalau. Mae gan y beic pedalau cyntaf hwn ffrâm alwminiwm ysgafn, cadarn sy'n gwneud y beic yn hawdd i'w symud a'i gario.

Mae'r Frog 47 yn dod gyda chydrannau oedran-benodol o safon uchel, wedi'u cynllunio i fod yn gyfforddus a hirhoedlog, gan gynnwys sedd maint plentyn gyda lifer rhyddhau cyflym i roi’r profiad beicio delfrydol, a breciau Tektro gyda liferi brêcs bach, hawdd eu cyrraedd, sy'n yn golygu gwell rheolaeth a mwy o hyder i feicwyr ifanc. Mae hefyd yn dod gyda theiars Kenda bloc bach wyth i roi’r sefydlogrwydd a gafael gorau posibl, a'n cranciau Frog patent, ar gyfer pedlo mwy diymdrech.

Pam dewis Frog Bikes?

Dyluniadau wedi’u llywio gan ymchwil wyddonol

Ysgafn a hawdd eu reidio

Wedi’u dylunio gyda phlant ar eu prifiant dan sylw

Delfrydol ar gyfer beicwyr bychain

Eco-ymwybodol ac wedi’u hadeiladu i bara

Rhagori ar safonau diogelwch

Mae amrywiaeth gynhwysfawr Frog o feiciau yn cynnwys beiciau balans, beiciau pedalau cyntaf, beiciau hybrid, beiciau dinas, beiciau ffordd, beiciau trac a beiciau mynydd, ar gyfer plant o’r rhai bychain i bobl ifanc yn eu harddegau!

Dilynwch Frog Bikes: Facebook / X / Instagram / Gwefan /

Team Rubicon yw prif ddarparwr hyfforddiant sglefrfyrddio a sgwtera yn y DU. Trwy ysgolion, cynghorau a sefydliadau eraill, maent bellach yn addysgu dros 150,000 o bobl ifanc ledled y wlad bob blwyddyn.

Maen nhw’n cynnig dwy wobr anhygoel:

- Gwobr 1: bwndel offer sglefrfyrddio anhygoel sy'n cynnwys 4 sglefrfwrdd, 4 helmed a 4 set o badiau.

- Gwobr 2: diwrnod hyfforddi sglefrfyrddio cyffrous ar gyfer hyd at 180 o blant. (bydd yr hyfforddwr yn teithio atoch ac yn dod â'r holl offer sydd ei angen)

Mae Tîm Rubicon wedi bod yn darparu hyfforddiant sglefrfyrddio ers bron i ddau ddegawd ac felly mae eu hyfforddwyr ymysg y rhai mwyaf profiadol yn y wlad. Mae'r gweithdai'n hybu ffyrdd iach ac egnïol o fyw ac agweddau meddwl cadarnhaol. Maent hefyd yn cynnig gostyngiad o 10% ar yr holl ddiwrnodau hyfforddi sglefrfyrddio a sgwteri – a’r holl becynnau offer – i unrhyw ysgolion nad ydynt wedi gweithio gyda nhw o’r blaen.

Dilynwch Team Rubicon: Facebook / X / Instagram / Gwefan /

Scootability yw'r rhaglen hyfforddi sgwtera genedlaethol a gynlluniwyd i helpu pobl ifanc i wneud teithiau'n ddiogel ar eu sgwteri. Mae Scootability wrth galon cynlluniau teithio cynaliadwy a llesol ar gyfer ysgolion a chynghorau.

Maen nhw’n cynnig 2 wobr anhygoel:

- Gwobr 1: diwrnod hyfforddi sgwtera cyffrous i hyd at 180 o blant. (bydd yr hyfforddwr yn teithio atoch ac yn dod â'r holl offer sydd ei angen)

- Gwobr 2: diwrnod hyfforddi sgwtera cyffrous i hyd at 180 o blant. (bydd yr hyfforddwr yn teithio atoch ac yn dod â'r holl offer sydd ei angen)

Mae gweithdai Scootability eisoes wedi'u darparu i dros 100,000 o blant ledled y wlad. Bydd sesiynau nid yn unig yn helpu gyda diogelwch ar y ffyrdd ond hefyd yn gwella iechyd corfforol, lles meddyliol ac yn gosod y sylfaen ar gyfer cenedlaethau sydd wedi ymrwymo i deithio llesol a chynaliadwy. Maent hefyd yn cynnig gostyngiad o 10% ar yr holl ddiwrnodau hyfforddi sgwtera – a’r holl becynnau offer – i unrhyw ysgolion nad ydynt wedi gweithio gyda nhw o’r blaen.

Dilynwch Scootability: X / Gwefan /